नमस्कार, मी 'डिजिटल माऊली'. आज तुम्ही मला टेक्नॉलॉजीवर बोलताना बघता, पण माझा पाया मातीतला आहे. मी अहिल्यानगर जिल्ह्यातील संगमनेर तालुक्यातील 'पिंपरणे' या छोट्याशा खेड्यातला.

आमचं घर मातीचं होतं. पावसाळ्यात जेव्हा जग पावसाचा आनंद घ्यायचं, तेव्हा आम्हाला भीती वाटायची, कारण आमचं घर गळायचं. रात्री घरात पाणी साचू नये म्हणून आम्ही पातेली मांडून रात्र जागून काढायचो.

पोटापाण्यासाठी मी शाळेच्या सुट्टीत २० रुपये रोजावर दुसऱ्याच्या शेतात काम केलं आहे. सायकलवरून 'गारीगार' (Ice Candy) विकले आणि भंगार गोळा केलं. अनवाणी पायाने चिखल तुडवत शाळा शिकलो.

२००८ ला पुण्यात आलो तेव्हा शहराची भीती वाटायची. पोटाची खळगी भरण्यासाठी झेरॉक्सच्या दुकानात ६ रुपयांवर टायपिंग केले, १० रुपयांच्या थाळीवर दिवस काढले. पण जिद्द सोडली नाही. २०१३ पासून नोकरी आणि व्यवसाय दोन्ही सांभाळत स्वतःचे साम्राज्य उभे केले.

२०१९ च्या कोरोना काळात जेव्हा सर्व बंद पडले, तेव्हा मला 'Smart Work' ची किंमत समजली. त्यातूनच २०२४ मध्ये 'Auto AI Funnel' आणि 'Teacher to Smart' वर्कशॉपचा जन्म झाला. जर माझ्यासारखा एक सामान्य शेतकरी मुलगा हे करू शकतो, तर तुम्हीही नक्कीच करू शकता!